رۆژی پێنج شەممە 14ی رێبەندانی 1395 حەمدوڵا بەیگی ئەندامی مەجلیسی رژێم رایگەیاند خۆکوژی لە شاری ئیلام پەرەی سەندوە و ئەو شارە پلەی یەکەمی لە خۆکوژی دا هەیەو بە پێتەختی خۆکوژیەکان لە وەڵات دا ناوی دەرکردوە.
ناوبراو هەروەها دۆخی نەخۆشخانەکانی ئەو شارەی بە خراپ زانی و گوتی: نەخۆشخانەکانی ئیلام لە شوێنێک سازکراوە کە ئەگەر نەخۆش لە رەوشێکی خراپدا بێ و رەوانەی نەخۆشخانە بکرێ هەتا دەگاتە نەخۆشخانە گیان دەدا لە بەر ئەوەی نەخۆشخانەکە لە قەرەباڵغترین شوێن و لە ناوەندی شاردا دروست کراوە.
