سازمانی خه‌بات ی
کوردستانی
ئێران
بەپێی هەواڵی ماڵپەری سازمانی موجاهیدینی خەلقی ئێران، رۆژی شەممە 23ی رێبەندانی 1395 تێکۆشەری دێرینی ئەو سازمانە لە دوای 48 ساڵ خەباتی نەپساوە دژ بە هەر دوو رژێمی شا،ورژیمی ئاخوندی، لە تەمەنی 68 ساڵی دا لە پاریس بۆ هەمیشە ماڵئاوایی لە هاوسەنگەرانی کرد.
بەپێی هەواڵی ماڵپەری سازمانی موجاهیدینی خەلقی ئێران، رۆژی شەممە 23ی رێبەندانی 1395 تێکۆشەری دێرینی ئەو سازمانە لە دوای 48 ساڵ خەباتی نەپساوە دژ بە هەر دوو رژێمی شا،ورژیمی ئاخوندی، لە تەمەنی 68 ساڵی دا لە پاریس بۆ هەمیشە ماڵئاوایی لە هاوسەنگەرانی کرد.
محەمەد عەلی جابرزادە خەڵکی ئیسفەهان هەر لە هەڕەتی لاوەتیەوە پەیوەست بە ریزی تێکۆشان دژ بە رژێمی شا لە سازمانی موجاهیدین دەبێ، پێش ئەوەی زانکۆ تەواو بکات لەلایەن دەزگای ساواکەوە شناسایی دەکرێ، لە ساڵی 1351دا لە کاتی چالاکی دا دەستگیر دەکرێ و ماوەیەکی دوور و درێژ لە ژێر شکەنجەدا دەبێ و لەلایەن دادگای نیزامی شاوە حوکمی 15 ساڵ زیندانی بەسەردا دەسەپێ.
لە کاتی راپەرینەکانی دژ بە سەڵتەنەتی شا ساڵی 1357 ئازاد دەکرێ و بێ راوەستان دەچێتەوە ریزی تێکۆشان تا ئەوەی کە راپەرینی گەلانی ئێران سەردەکەوێ و رژێمی شا دەرووخێ.
لە دوای ئازاد بوونی لە بەندیخانە پلەی تەشکیلاتی ناوبراو راوێژکاری دەفتەری سیاسی و بەرپرسی ستادی تەبلیغاتی سازمانی موجاهیدین دەبێ و لە دوای دامەزرانی شۆرای ملی مقاومەت دەبێتە بەرپرسی کومسیۆنی لێکۆڵینەوەی سیاسی ئەو شۆرایە.
لە یەکەم دەورەی هەڵبژاردنی مەجلیسی شۆرای ملی لە دوای سەرکەوتنی راپەرین و ساڵی 1358، لەگەڵ بوونی تەزوویر و ساختەکاری لەلایەن حیزبی کۆماری ئیسلامی، بەڵام محەمەد عەلی جابرزادە بە 33 هەزار دەنگ دەبێتە یەکەم پاڵێوراوی ئوپزسیۆن لە ئیسفەهان.
برایەکی ناوبراو بە ناوی عەباسعەلی جابرزادە و براژنەکەی بەناوی سورەیا سنماری لە مقاومەتی 19ی رێبەندانی 1360 لەگەڵ ژمارەیەک لە هاوڕیانیان لەگەڵ شههیدان موسا خیابانی و ئەشرەفی رەجەوی تا دوا هەناسە دژ بە لاجوەردی جەلاد و پاسدارانی دیکەی رژێم وێستان و خۆراگریان کرد و شەهید بوون.
